發現男友偷食返撻佢嘅Ex

裳芯

前排一直覺得男友行為古怪，出入時間有問題一直有懷疑但冇證據。直到琴日見佢訓著 搵機會睇佢手機 先發現原嚟佢每次趁我唔係度約佢。佢一開始唔認 到我話俾佢聽我睇到佢電話 知道晒 佢先肯認 佢識我嘅時候係同Ex分開左，跟住同左我一個月之後因為之前同Ex book左機票去旅行所以照去，跟住佢承認Ex要求復合 佢承認同Ex喺旅行搞左一次。我好嬲 好失望好難過，佢話佢兩邊都鐘意 揀唔落。當我問到佢點解一開始同佢嘅Ex散 佢話係佢嘅Ex識左第個，唔得就搵返佢，覺得Ex好慘。佢地有幾年嘅感情...但係我先係得3個月嘅感情... 唉 最誇張係條女一聽到話要分手 就爆咸 又狂打電話過嚟 打左100通電話 好誇張，又搵埋人地阿媽call我男友，根本唔知點搞...佢一咸我男友又心軟...我依家好無奈...

sukihclau

佢不單精神出軌，連肉體都出軌，唔分手仲等D咩？  仲有咩好考慮？！

Nobody111

出軌wor, 暫攬啦

Mycookie

個男人想享齊人之福，比我會放手

非法改裝嬰兒車

男事主轉做玩家搞到自己兩邊不是人
都係BACKUP左先

YYYYU

快啲分手啦

Warwick999

全部都是白痴先信的藉口

ii1314

正常同你3個月應該如膠似漆 熱戀期 ，但係根據佢嘅講法，睇嚟佢對你嘅感情真係好有限囉!既然佢肯接收返個出軌ex,睇嚟佢地真係天生一對，放過自己吧!

裳芯

我都有諗過分手但係個心唔想...佢今日又話同佢講清楚，我依家都唔知信唔信佢好

人妖森美

之前 book 落機票酒店⋯⋯咁即係佢哋根本分手無耐，同你先一齊三個月，點睇佢 ex 贏面都大啲，既然同得你一齊，就算 book 好哂所有嘢都根本唔應該去，換著係我，就算而家有無女朋友，咁樣去去無謂，用咩身分去？朋友？前度？搞就一定搞硬，事關未分手時 book 一定係 book 雙人床，難道分房咩？尤其佢前度想復合，就更加會趁嗰幾日想盡辦法去留住你男友，我更加相信嗰幾日旅程佢哋重回拍拖時旅刻，難道會一個行東一個行西咩，佢而家亦講到明兩個都中意，你打定輸數吧，就算佢最後都係揀你，你能夠放得低佢咁對你嗎？

YYYYU

裳芯 發表於 2019-5-6 06:47
我都有諗過分手但係個心唔想...佢今日又話同佢講清楚，我依家都唔知信唔信佢好 ...

仲諗咁多做咩，呢個情況毫無疑問係要分手

人妖森美

已 inbox 你

細VV

咩理由都唔係理由, 必分唔洗考慮

nldw

佢兩邊都唔愛, 佢只喺自私, 只愛自己，唔喺點會傷害兩個愛佢嘅女人&同時拖累兩個女人的青春!

裳芯

ii1314 發表於 2019-5-6 00:58
正常同你3個月應該如膠似漆 熱戀期 ，但係根據佢嘅講法，睇嚟佢對你嘅感情真係好有限囉!既然佢肯接收返個出 ...

佢話佢係一個冷淡嘅人，所以唔似其他情侶咁樣咁熱情。我有問過佢佢唔驚佢嘅Ex又再出軌咩佢話唔驚... 我當堂唔知講咩好

裳芯

豬橫脷 發表於 2019-5-6 07:48
之前 book 落機票酒店⋯⋯咁即係佢哋根本分手無耐，同你先一齊三個月，點睇佢 ex 贏面都大啲，既然同得你一 ...

老實講個女仔我唔識，我好肯定嗰個女仔都唔知我喺邊個。如果唔係我睇佢手機我都唔知道有呢個女仔。其實我覺得我同嗰個女仔都好慘，唔值得比咁樣嘅人傷害，我對人咁認真我冇諗過會俾人咁傷害。但係佢對我真係好好，除咗發生呢件事...但係我一諗到佢呃我就好難過，諗到好多嘢原來佢都呃我好多謊言

Tammy123456

似曾相識的經歷
一定要分手 一定要

YYYYU

其實你仲諗咩？佢已經有第二個，仲講到明唔會為你同佢分手，咁你仲繼續為咩呢？唔通想同個女人姐妹相稱，兩女共侍一夫？你估仲係封建時代咩！
而且你哋都只係3個月遮，快快斬纜好過啦，仲想拖幾耐呀？

sharonbrq

你唔想分手咪繼續同人share 你條仔囉，只要你過到自己果關，冇問題架喎！

214214

快快斬纜好過啦