{ FORUM - LOVE }
Search
Title / Tags Author

查看: 73221|回覆: 56

迷茫!超長文.......

[複製鏈接]

註冊日期: 2017-7-16

發表於 2017-7-16 16:03 | 顯示全部樓層 |閱讀模式
我係交友app識左個男仔!大概一年前啦!30歲!起初一星期我地都會日日whatsapp!但唔會傾好多!因為佢話工作好忙!佢成日都翻8收夜晚11點!佢放工唔累先會online傾一陣!但朝早再whatsapp佢就一定會係單剔!到夜晚先會再覆我!後來佢係隔一星期,半個月,大半個月先覆我一次!

期間佢有約過我岀機!但2次都係放飛機連人影都無!whatsapp又一直係單剔!我最後留左一句話你以後唔洗再岀現嫁啦!

過左幾個月佢又岀現!但電話號碼已經唔係之前哥個!我問點解換左電話!佢話因爲工作關係所以定期都會換!我問佢做咩咁內無岀現突然間又搵翻我!佢話之前工作壓力好大!搞到有病!就停左個幾月工!之後工作開始好翻d所以就有時間搵下我!

我問佢點解whatsapp成日都單剔!佢話只要一翻工就會熄電話!唔想俾人打擾到工作!咁之後三四日佢都會係7點半左右同我講佢翻工啦!只要我覆佢係遲過8點就一定會係單剔!第5日之後佢又再一次消失!

又過左個幾2個月佢又岀現同我say hi. 我覺得佢似玩我所以佢連續2日搵我我都無覆佢!

後來我自己又犯賤主動搵佢!但都係一如既往即單剔!大半個月之後佢又岀現!就話你做咩消失!我話你太神秘!每次岀現都係隔十幾廿日甚至個幾月!我話我唔想再同個神秘既入傾計!佢就話要翻工唔得閒!又隔左個幾月!

最近佢又岀現!我問佢又做咩消失咁內!佢話去左葡萄牙岀trip!我就話其實你可以唔洗再岀現!反正你岀現都係吹兩句!之後又消失十幾廿日!佢話因為工作好忙係無時間玩電話!一有時間已經即刻搵我!我話你真係好神秘!佢話咁我租間酒店同你傾一晚!我答好呀!但最後佢都話工作好忙下次先!

消失2星期後佢再次岀現話想見我!我話點解!佢話要去岀trip!今次係要stay係另一個國家最小一年以上!所以想係走之前有個美好既回憶!我話你其實想搞野姐!唔好扮晒野!佢話係要搞之前就唔會放你飛機!佢解釋放我飛機係因為佢唔靚仔!唔係我鐘意既類型!我就問佢咁點解今次要見!佢話反正都要走!想同我有個好既回憶!話離開左香港佢會掛住我!我今次拒絕!佢問我點解唔可以係佢走之前俾個美好既回憶佢!我話你都唔一定會岀現!佢話唔會再消失!因為準備岀trip所以工作唔太忙會岀現多d!我話話你答完晒我既問題我會考慮下見你!

我問佢係米有2個電話!佢話一個係公司既一個係自己既!自己既電話就係同我傾既!但佢用公司電話多所以好少帶自己電話岀街!佢話因爲工作關係所以搞到得翻幾個朋友!佢地都好小聯絡所以就只會帶公司電話岀街!我話咁見完之後你又走啦!咁我就繼續等你!等你十幾廿日先覆我一次係米!佢話咁黎d係你情我願!我話你好自私!之後佢無再覆我!之後一日佢又問我見唔見!我話忙緊轉頭再傾!忙完覆佢發現唔再係單剔!又一日又再問見唔見!我話見完又點?我唔想再成日等!佢就應承話會多d岀現就算離開左香港!

其實我真係唔知見唔見好!我唔知可以點!唉!
回覆
+ Favorite

舉報

註冊日期: 2009之前

發表於 2017-7-16 16:23 | 顯示全部樓層
吓? 仲要諗? 見嚟做咩? 好明顯佢有古怪

註冊日期: 2016-6-22

發表於 2017-7-16 16:26 | 顯示全部樓層
最好唔好見,見完又唔會有將來

註冊日期: 2016-5-6

發表於 2017-7-16 16:39 | 顯示全部樓層
我覺得佢好古怪,係我就唔會見,覺得佢似呃蝦條

註冊日期: 2016-11-22

發表於 2017-7-16 16:58 | 顯示全部樓層
Block咗佢啦,浪費青春

註冊日期: 2015-3-16

發表於 2017-7-16 17:18 來自手機 | 顯示全部樓層
有咩美好回憶啫?你明知佢淨係想搞野仲出?除非你都想玩ONS,咁就冇野好講你情我願!
佢話出差9成係大話啦,佢搵唔到女咪搵你囉,淨係咁催你出唔出,冇關心過你架

註冊日期: 2010-1-16

發表於 2017-7-16 17:20 來自手機 | 顯示全部樓層
如果你有興趣比佢見下同佢出嚟睇場戲食餐飯就可以,要比佢抽水就免問,擺明玩家嚟,唔洗等

註冊日期: 2010-1-16

發表於 2017-7-16 17:23 來自手機 | 顯示全部樓層
龍鳳呈祥 發表於 2017-7-16 17:20
如果你有興趣比佢見下同佢出嚟睇場戲食餐飯就可以,要比佢抽水就免問,擺明玩家嚟,唔洗等

仲有要睇戲都一定要佢預早買左飛先,唔係又放你飛機,呢個根本大話精嚟

註冊日期: 2017-7-16

 樓主| 發表於 2017-7-16 21:47 | 顯示全部樓層
MC.MC 發表於 2017-7-16 05:18
Block咗佢啦,浪費青春

你講得好岩!佢今日又消失!到岩岩岀現我問佢唔係放假咩!佢話翻左公司幾個鐘!我問咁你電話無網絡?佢無答只係問22號係米得閒!你講得無錯!佢真係由始至終都無關心過我!

註冊日期: 2015-8-22

發表於 2017-7-16 22:52 | 顯示全部樓層
有咩迷茫,擺明諗住

註冊日期: 2017-5-18

發表於 2017-7-16 23:51 來自手機 | 顯示全部樓層
好垃圾,你咁都仲要信?

註冊日期: 2014-11-9

發表於 2017-7-17 00:14 | 顯示全部樓層
雖然我唔知佢又咩吸引你去見佢 佢咁古怪就知唔係好人啦 擺明想上床啦

註冊日期: 2016-4-29

發表於 2017-7-17 00:28 | 顯示全部樓層
其實都好擺明係呃煆條, 唔明你仲點解開post問, 俾著我block左佢好耐

註冊日期: 2014-11-25

發表於 2017-7-17 17:10 | 顯示全部樓層
其實真人未見過 係咪認真左?

註冊日期: 2009之前

發表於 2017-7-17 17:13 | 顯示全部樓層
其實個男仔向背後恥笑緊你咁都信你知唔知架?? 醒下啦BABY

註冊日期: 2017-5-7

發表於 2017-7-17 17:20 | 顯示全部樓層
好明顯玩你呃蝦條啦
面又未見過
計又傾唔多
樓主會唔會over投入咗呀?

註冊日期: 2017-6-7

發表於 2017-7-17 17:21 來自手機 | 顯示全部樓層
呃人都呃得有誠意啲丫,點睇佢都一d誠意都無lor....

註冊日期: 2015-9-29

發表於 2017-7-17 17:28 來自手機 | 顯示全部樓層
迷茫??
乜都無發生過


似乎係小妹妹懷春咋喎

註冊日期: 2015-11-2

發表於 2017-7-17 17:29 來自手機 | 顯示全部樓層
明搵你笨啦 ,你係要9行都冇人阻到你

註冊日期: 2014-9-12

發表於 2017-7-17 17:36 | 顯示全部樓層
好簡單~如果調轉~你鍾意一個人會唔會成日唔理佢D MSG ~?其實完全唔使迷茫wor~唔好理佢係唔係player~但好明顯佢唔係鍾意你lor~唔好再浪費時間~~~鍾意ge話幾累都會邀約~~會怕你唔知點諗
~~但佢完全可以消失~可想而人知你響佢心目中ge位置.........
您需要登錄後才可以回帖 登錄 | 註冊

News
Feature
Blog
Load more
 
NOTIFICATION