{ FORUM - LOVE }
Search
Title / Tags Author

查看: 8988|回覆: 30

【mimi】另一半與異性單獨過夜

[複製鏈接]

註冊日期: 2017-2-11

發表於 2017-2-11 02:48 來自手機 | 顯示全部樓層 |閱讀模式
本帖最後由 男會員 於 2017-2-11 02:54 編輯

首先, 我是男.
呢到應該都甚少男user開post.
選擇了係呢到講, 而非hkg, 係因為唔想回覆過於偏袒 (大概係我內心係想偏袒幫佢掛...)

同女友拍了拖2年4個月, 自覺關係穩定.
黎緊星期日朝, 佢因為要去馬拉松做義工, 需要4點到達維園. 基於某些特別身份限制, 我無得同佢一齊參與.
岩岩早幾個鐘去完佢屋企拎野比佢, 佢同我講佢係CWB book左間賓館, 5百幾蚊一晚, 除返都只係2百幾蚊, 同搭的士差唔多價錢. (佢住新界) 之後我問:「兩個人share呀?」佢dead air左一兩秒, 口疾疾咁講:「係呀」
我無再追問, 但根據多日黎我對佢義工活動既了解, 我知同佢同房果個係男仔黎. 之後我表現得有少少sad咁, 諗住佢會氹下我. 但換來既說話就係:「大把野煩唔得閒理你開唔開心」

雖然我信佢唔會做對唔住我既野, 但一諗起自己女朋友將會單獨同一個男仔係賓館過夜, 我個心入邊總係有條刺, 成晚訓唔著... 佢約好哂人, 夾哂錢. 唔通我依家走去同佢講: 果晚我去CWB同你訓, 佢實會好反感

其實都只係想呻兩句.... 打擾各位了, sorry
回覆
+ Favorite

舉報

註冊日期: 2016-4-17

發表於 2017-2-11 03:19 | 顯示全部樓層
你咪咁樣同佢講囉
一陣出事呀
佢唔想 你咪話 唔通你想同個男仔訓都唔同自己男朋友訓? 如果我係女 我會好開心囉如果個男朋友黎

註冊日期: 2016-10-29

發表於 2017-2-11 13:09 | 顯示全部樓層
講真,你介意係正常,調轉你同女仔同房佢都會擔心啦,如果係我會照直講架,你女友話無野啫,男既你識唔識先,唔係唔信女朋友,係唔信個唔識的男人,講完佢都話你麻煩,咁你女友都唔係好尊重你感受...
話時話,唔係講你女友,有d女人都好矛盾,你由佢佢會話你唔緊張佢,你唔俾佢又話你唔信佢,咁即係想點...

註冊日期: 2016-10-29

發表於 2017-2-11 13:11 | 顯示全部樓層
仲有你confirm下男定女先,可能係女呢...

註冊日期: 2015-10-13

發表於 2017-2-11 14:17 | 顯示全部樓層
咁都唔出聲?唔係呱!佢嗰句唔得閒理你開唔開心個人覺得好過分!咁唔得閒學乜鬼人做義工!

註冊日期: 2016-11-21

發表於 2017-2-11 14:25 來自手機 | 顯示全部樓層
講真你女朋友

註冊日期: 2015-10-11

發表於 2017-2-11 14:26 | 顯示全部樓層
介意係好正常,因為你唔問,佢又唔講,無考慮過你感受,你表現出sad,佢話唔得閒理你開唔開心,更加hurt⋯⋯但哩個係佢本身性格?

註冊日期: 2016-11-21

發表於 2017-2-11 14:26 來自手機 | 顯示全部樓層
講真你女朋友冇理你感受,如果比我,我一定唔會同個男性朋友同房,雖然自己知冇嘢,但唔想另一半唔開心!

註冊日期: 2016-7-12

發表於 2017-2-11 14:37 | 顯示全部樓層
本帖最後由 YYYYU 於 2017-2-11 14:40 編輯

我又唔覺得好有問題喎,為方便同慳$ ONLY,不過佢唔一早主動同你講係唔好,但都係費事你唔畀要駛多D $遮

註冊日期: 2017-2-8

發表於 2017-2-11 14:39 來自手機 | 顯示全部樓層
痴線 點解你仲可以單純咁“表現得有少少sadly “到底係你地一直都以咁既方式相處 定還是你覺得呢個仲係可以接受範圍內

註冊日期: 2016-3-16

發表於 2017-2-11 15:21 | 顯示全部樓層
如果我咁樣 我男朋友一定同我分手 因為係基本尊重 就算幾平我都唔會咁做囉 就算我同個異性係好熟 明知另一半一定會介意 咁點解仲要破懷雙方關係?所以你態度強硬d 啦

註冊日期: 2016-11-4

發表於 2017-2-11 15:28 來自手機 | 顯示全部樓層
講真,如果為左慳的士錢,,你咪開一間房、你俾晒錢,,你同佢一齊咪得,唔洗自己女朋友同人夾,,,
不過拍2年幾,明顯你地溝通麻麻,關係麻麻,佢唔太在乎你

註冊日期: 2016-11-2

發表於 2017-2-11 16:01 | 顯示全部樓層
咁都接受到嫁咩⋯⋯

註冊日期: 2016-5-27

發表於 2017-2-11 18:51 | 顯示全部樓層
佢會口窒窒即係心虛 即係佢都認同唔應該同異性單獨過夜啦

註冊日期: 2017-2-11

 樓主| 發表於 2017-2-11 19:25 來自手機 | 顯示全部樓層
我唔係想公審佢, 我對女朋友亦都絕對信任. 佢朋友confirm係男, 我唔認識的, 但我之前知有呢個人存在. 現在已經3個係房了, 謝謝大家意見~

註冊日期: 2016-11-21

發表於 2017-2-11 23:52 來自手機 | 顯示全部樓層
3個?又話2個人嘅?

註冊日期: 2016-10-29

發表於 2017-2-12 00:59 | 顯示全部樓層
ccc01 發表於 2017-2-11 11:51
我唔係想公審佢, 我對女朋友亦都絕對信任. 佢朋友confirm係男, 我唔認識的, 但我之前知有呢個人存在. 現在已經3個係房了, 謝謝大家意見~

佢應該係指自己都有得跟埋去了,所以3p now

註冊日期: 2017-2-11

 樓主| 發表於 2017-2-12 03:30 來自手機 | 顯示全部樓層
nanafiona 發表於 2017-2-12 0:59
引用:
ccc01 發表於 2017-2-11 11:51
我唔係想公審佢, 我對女朋友亦都絕對信任. 佢朋友confirm係男, 我唔認識的, 但我之前知有呢個人存在. 現在已經3個係房了, 謝謝大家意見~
佢應該係指自己都有得跟埋去了,所以3p now

正解, 3p = 3 people (佢兩個+我)

我: 你會唔會嬲我黎揾你?
佢: 120蚊解決到既問題就簡單啦(加人, +$120)
....等佢忙完今日, 返到屋企會同佢傾下, 話比佢知我既諗法.

一切都黎得太突然, 我都係26個鐘前先知佢會同個男仔單獨係賓館過夜... 雖然分兩張單人床姐.

其實佢早一星期有同我提過打算book房, 但我無追問細節, 而佢亦都無講. 因為佢上年係6個人一齊租, 點估得到今年竟然係2個人.
我下年會報跑渣馬, 有哂理據同佢一齊係CWB過夜, 唔比佢同其他男仔夾.
我覺得唔係單單係我小氣咁簡單, 男女係埋同一間房, 難免會有唔方便既地方吧. 大佬, 廁所仲要半磨沙玻璃, 係我在場先望實個男咪比佢亂望. 但我女朋友又好似唔係好介意咁....

我覺得佢唔係刻意唔顧我感受既, 可能只係搞馬拉松果壇野太大壓力, 忽略左我感受. 我feel到佢係無時會刻都係想一心搞好件事(佢負責統籌), 佢3點就要到維園, 係CWB都要2點幾就起身, 難怪佢唔想係屋企(新界)搭車出黎. 不過你話就算我好相信果個男仔&我女朋友, 我都覺得單獨係賓館過夜係over左我底線, 返去會同佢傾下. 得佢過完呢關先....

樓上有人話佢唔想我哂錢, 先同人夾份. 我都係咁諗的, 因為其實我全職返工, 但同時供緊自己part time讀書, 再加供佢full time讀書, 仲要幫屋企交一半租.... 佢知我財政壓力大. 但我都係認為, 如果你要係係出邊訓, 一係就揾多幾個夾, 無咁多人的話, 係你隔離果個就只可以係我. 我自己其實一d都唔care花錢係呢d位, 但只係佢care我花錢.

註冊日期: 2017-2-11

 樓主| 發表於 2017-2-12 03:39 來自手機 | 顯示全部樓層
tungtsz 發表於 2017-2-11 14:39
痴線 點解你仲可以單純咁“表現得有少少sadly “到底係你地一直都以咁既方式相處 定還是你覺得呢個仲係可以接受範圍內

如果係呢個情況, 房book好哂, 已經應承左佢朋友, 我直接話: 唔比, 你叫個男仔自己諗掂佢啦.

咁結果會係點?

有時兩性相處, 適當既忍讓, 我覺得係必要. 所以我接納左#2既建議, 直接同佢講我今埋想上埋黎同你一齊訓, 3個人.
最少, 我地三個都達成到自己既目的.

註冊日期: 2017-2-11

 樓主| 發表於 2017-2-12 03:44 來自手機 | 顯示全部樓層
ColourS 發表於 2017-2-11 3:19
你咪咁樣同佢講囉
一陣出事呀
佢唔想 你咪話 唔通你想同個男仔訓都唔同自己男朋友訓? 如果我係女 我會好開心囉如果個男朋友黎

多謝你, 我最後有咁做, 而佢都無唔想. (當然, 我覺得佢只係諗多一事不如少一事, say yes就可化解問題) 不過訓果時, 佢都有捉我隻手過去攬住佢, 佢都鐘意我係佢隔離既..
您需要登錄後才可以回帖 登錄 | 註冊

News
Feature
Blog
Load more
 
NOTIFICATION