{ FORUM - LOVE }
Search
Title / Tags Author

查看: 37194|回覆: 31

其實男朋友太有上進心都未必好

[複製鏈接]

註冊日期: 2016-7-20

發表於 2016-7-20 01:52 | 顯示全部樓層 |閱讀模式
本帖最後由 hippochu 於 2016-7-20 02:00 編輯

我同佢都係二十幾歲,我讀緊書,佢就做野。拍拖接近一年,佢好錫我,有時間就會陪我,好慶幸自己搵到個好識為將來打算的男人。
佢係無父母蔭的情況下自己儲首期,知道佢為咗將來而努力奮鬥,三分之二份糧都儲起,餘下的俾屋企和平時洗費。我知道佢為咗筆首期,差不多日日捱麵包和公仔麵,我勸又勸過,氹又氹過,但佢都為咗將來有個安穩生活而咁辛苦,好值得!我都吾知我仲可以點先幫到佢…?
另外,佢真係好有上進心,為咗有更多人工,依家好多時間都放在工作上面,而無時間陪我們,忽略咗我。之前未同佢傾將來的時候,佢都會放底工作抽時間陪我關心我傾下心事。但自從提及時我地將來之後,佢就好似開行Turbo,工作忙到連俾自己休息的時間都無,何況陪我傾心事甚至出街。我們的感情好似愈來愈淡,佢壓力愈來愈大,所以就算依家鬧交佢都好少主動氹我,而且鬧交次數比之前密得多。我明白佢都係為咗我地的將來而奮鬥,我應該體諒佢,但犧牲的實在是太多,佢身體的健康狀況,我們的關係…
唔知係咪每個女仔都好矛盾,男朋友賺錢為將來就嫌無時間陪自己。當佢長時間陪自己就嫌佢不上進。
我都唔例外,好鍾意有上進心的男仔,但如果所換來的是我們鬧交次數比以前頻密同埋佢身體冇之前咁健康,咁我寧願要翻未同佢傾將來的那個男朋友,一切順其自然就算想問大家,我依家可以點做?



回覆
+ Favorite

舉報

註冊日期: 2016-6-23

發表於 2016-7-20 04:43 | 顯示全部樓層
有冇睇過facebook一條片
叫「買左層樓 但冇左個女朋友」個名好似係咁
我建議俾你男朋友睇下

註冊日期: 2009之前

發表於 2016-7-20 11:18 | 顯示全部樓層
我反而見過女人埋怨男人事業唔夠自己成功 (both over 60k per month),

其實人既時間係有限., 要事業和家庭兩得意, 是好難同雙方都認同先得. 極少有錢人有親密的家人. 因為除左父母, 關係是要時間去培養的.

妳可以選擇做佢背後既女人, 或離後搵個願意放更多時間俾妳既.

註冊日期: 2016-5-20

發表於 2016-7-20 11:28 來自手機 | 顯示全部樓層
我明您感受呀,我都有個好上進既老公。
您同佢講點慳都好,都要顧及個身體呀!捱壞左個身體,咪又係要錢同時間去調理,到時壓力更加大!

註冊日期: 2016-5-20

發表於 2016-7-20 11:30 來自手機 | 顯示全部樓層
但我覺得有上進心好過無上進心既!
樓主都吾好怪責佢太多啦,或者第時生活改變左,會有好轉呢!

註冊日期: 2016-7-5

發表於 2016-7-20 11:42 | 顯示全部樓層
我都覺得有上進心好過無上進心! 如果唔係就變湊仔啦

註冊日期: 2016-6-18

發表於 2016-7-20 12:45 來自手機 | 顯示全部樓層
好事wor。班港女唔係成日掛係嘴邊。男人最緊要有上進心咩?而家有上進心又唔好,不如搵個富二代啦,一結婚就有樓住。

註冊日期: 2016-6-15

發表於 2016-7-20 14:41 | 顯示全部樓層
我男朋友無上進心不突只 仲要差人150000

註冊日期: 2016-4-1

發表於 2016-7-20 16:48 | 顯示全部樓層
只能說錯的時間對的人

註冊日期: 2015-12-24

發表於 2016-7-20 19:26 | 顯示全部樓層
到佢變番以前咁 , 你又會嫌佢無上進心 無計劃將來 etc ,  其實你得閒點解唔搵啲野學下打發時間 , 例如 學煮飯 煲湯 俾佢飲 , 默默支持下佢 等佢有啖湯飲下 ,好過成日埋怨佢 搵交鬧 ,  我覺得你仲細個 唔識諗 , 你讀完書 出到黎社會做野 , 明白到咩叫現實 , 所謂 貧賤夫妻百事哀 , 你男朋友咁好 你仲唔知寶 , 係到怪犧牲太多 哩個諗法好幼稚

註冊日期: 2016-7-20

發表於 2016-7-20 21:46 | 顯示全部樓層
我就領教過一些無上進心既,一樣麻煩.成日話炒股票會賺,結果一定係輸,無野講了。

註冊日期: 2015-6-30

發表於 2016-7-20 23:22 | 顯示全部樓層
佢咁識諗係好事黎架,上進係難得架,你要支持佢,鼓勵佢,咁佢覺得你支持佢佢會好開心。唔好鬧咁多交喇,會比壓力佢令佢辛苦!好多成功男人背後都有個默默打氣,不埋怨既女人架。

註冊日期: 2016-1-17

發表於 2016-7-21 00:24 | 顯示全部樓層
同你situation 一樣,最後佢話想更加專心工作,唔想我等,分左手

註冊日期: 2016-4-8

發表於 2016-7-21 01:00 | 顯示全部樓層
我同樓主好似,我都唔知點做,我同男朋友又住得遠大家工作時間又差唔多。

註冊日期: 2016-4-5

發表於 2016-7-21 01:26 | 顯示全部樓層
同你差唔多情況,不過你男朋友起碼係為左你地將來努力呀,心裏都有你嘅位置。我男友只係單純為自己事業衝刺,我都唔肯定佢眼裏有冇我...之前鬧左次大交都未有時間解決到,仲要long d緊...

我嘅少少分享,男人有個目標絕對係一件好事,但要理解有時佢地投入左,可能就會忽略哂身邊所有嘅野,父母都可以忽略何況女友?呢個時候佢地最需要係空間,如果身為女友成日有怨言或嗌交,只會令佢就算得閒都唔想搵你。其實佢最想要嘅支持係你自己搵到自己嘅目標,亦唔好全部心機放係佢身上,因為佢會有壓力。然後係佢有心機時間嘅時候先同你開心拍拖。

身為女人,係好難理解,係好難接受點解佢唔陪你。但如果你真係想同佢維持關係,真係要訓練到有一個好大嘅包容度。我都唔知喊過,傷心過幾耐先明白呢啲道理。點都好,女人都錫自己多啲,要有自己目標,就算冇左一個人都唔可以等於世界末日!

雖然我同男友感情好似仲有啲裂痕咁,但當我心機時間放返係自己到無咩時間理佢,即使佢比以前更忙,反而對我上心左,多左關心我。真係好鬼諷刺...

希望幫到你,我又捱到個long d la!

註冊日期: 2016-6-4

發表於 2016-7-21 09:41 | 顯示全部樓層
我好明白你既感受 我同我男朋友就係甘既情況 佢好想專注事業 拍拖兩年半黎後期開始都無咩擺時間落我地段感情到 幾個月前 我地分開左變番朋友 佢話佢係呢一刻想專注落事業 一個男人無事業就咩都唔係 一開頭我崩潰到不得了 明明開始左 但點解要甘樣 但係 最近我開始明白 因為男人如果無事業 根本就無能力同一個女人講將來 sis 你可以同佢傾傾 等大家都有共識 分開下都可能係件好事 什至你可以問自己 係咪會願意守候呢個男人

註冊日期: 2015-7-20

發表於 2016-7-21 09:59 來自手機 | 顯示全部樓層
你不如試下自己煮野比佢食?提早做定比佢帶番公司叮番熱佢食,咁樣米會有營養啲。至於將來我諗你真係認真同佢坐底傾下,大家仲年輕唔需要咁快講將來,就算要考慮將來都可以等你讀完書出尼做野兩個人分擔。我諗佢而家係鑽緊牛角尖,對自己有好多要求,因為重視你所以就咁快考慮大家既將來,結果迫到自己太緊。尼樣野真係要認真傾下,唔好錯失良緣。

註冊日期: 2016-6-15

發表於 2016-7-21 10:49 | 顯示全部樓層
有上進心點都好過冇上進心

註冊日期: 2016-7-21

發表於 2016-7-21 11:14 | 顯示全部樓層
樓主 我男朋友都係好有上進心既人 可能一個月有31日都會番足曬 唔比自己休息 更何況係陪我 但係呢段期間就要慢慢接受 以加既佢唔係唔愛你 只係佢太攰冇精力做其他諗其他 一個男人好辛苦架 養頭家 唔似我地女仔咁幸福 你以加要做既係 讀好個書 然後出黎做野一齊草 唔好得男方草曬 同埋 你得閒唔趕功課或溫書 可以自己主動啲搵佢 唔好覺得自己主動就唔開心 咁係比個男人習慣你既主動 當有一日你冇搵佢 佢自然諗起你 做女人要獨立同時又要夠依賴 希望你睇完之後會諗好

註冊日期: 2010-1-28

發表於 2016-7-21 11:16 | 顯示全部樓層
可能少左相處, 但係你既支持相信好重要!
或者你試下搵一日陪佢去離島, 叫佢放鬆下, 你地又可以坐定定傾下計..
佢有上進心係好事, 頭幾年捱下無所謂的, 好過到時身體真係頂唔順, 但又一定要捱, 加油呀!!
您需要登錄後才可以回帖 登錄 | 註冊

News
Feature
Blog
Load more
 
NOTIFICATION