有無試過俾人話唔識化妝??

lovejack

我明白, 而家好多女仔好早熟, 中學未畢業已經學識點樣打扮, 襯衫、化妝呢啲樣完全唔會考起佢地, 所以我好記得係grad din嗰陣, 佢地個group女仔都已經係好突出, 個個男同學都過晒去同佢地影相。而我呢啲唔太識打扮嘅女仔, 個妝又唔識化嘅, 就唯有自己人同返自己人影。係我地影相嗰陣, 隱約好似聽到背後有啲笑聲, 唔知係唔係笑我地小圈子, 定係笑我唔識個妝化得差呢><

14MAY2

你地學校咁早grad din嘅咩?? 定係你講返之前嘅事呀?? 邊有人一出世就識得點樣化妝打扮呀, 總要有學習嘅過程架嘛, 都唔明有咩好笑

Pixie xx

睬佢地都傻啦 第日靚過佢地

Niccccc

有 之後去左學化妝美容haha

Brendala

學識打扮無錯係要, 不過人越大, 唔知點解就越唔中意化妝,可能係怕落妝個過程太煩,
晚晚用缷妝膏要洗幾次先落到, 真係搞到個人都燥埋!

mabc1234201505

學識打扮好重要
好多人都係得個FEEL靚
就係考打扮
好少人係天生麗質

twiggy0108

第一次搵人化, 順便學野.

babybaby2

而家好多90後其實讀書已經化妝粗粗地畫條眼線大把 好小唔識化 不過你唔洗諗咁多既 好多人出左黎做野之後改變左好多

shan_0419

化妝其實對皮膚唔好~唔化好過化，而且化開你會接受唔到唔化妝個樣，跟住就好像上左癮咁繼續化/愈化愈濃，咁你以後就返唔到轉頭!其實識少少化妝就OK，我26歲都唔多曉化妝(日日只搽防曬返工就算)，除非有特別場合先化個淡妝~

Kelly Discovery

我以前都唔識化妝，但依家做埋化妝師添！簡單化妝其實上網都學到，或者搵d個人化妝班學下都好！

GINTam

我0願天生麗質唔洗化妝！化妝又哂時間又煩又整到啲皮膚唔令

Aikokotung

依家唔識冇問題，但到你要出黎做野要見工既時候化基本既淡妝見人係禮貌，上YouTube 大把video 可以慢慢學

Um.....

shan_0419 發表於 2015-6-8 22:09
化妝其實對皮膚唔好~唔化好過化，而且化開你會接受唔到唔化妝個樣，跟住就好像上左癮咁繼續化/愈化愈濃，咁 ...

Yes,化開就會愈化愈濃嫁啦，
睇慣左就接受唔到唔化既樣，
包括你自己同身邊既人。

YOLOYOLO

以我過往經驗....中學唔係好識打扮那群出到來做野之後反而靚過當年的女神們.....

同埋與其學點化妝~不如學點保養~~~勤力D KEEP好D皮膚~~到你廿幾歲中學聚會就已經知KEEP同唔KEEP GE 分別~

如果真係想學下化妝&衣著打扮,可上網SEARCH下或睇下D日本/外國雜誌,出街留意下人地/店舖D衣著~咩色搭咩色會好睇..咩花紋撞咩花紋會核突~慢慢就會學識點包裝自己

PS. 當然人除左外在美更重要的是內在,唔使太在意人地睇法~做自己吧~俾D信心自己~;)

動起來

唔好理佢地啦~ 我覺得自己最緊要覺得自己令就得~ 如果你咁在意人地講既野~你成日會有個壓力係到~
每個人有唔同STYLE~ 你著返自己鍾意既野~人都開心D啦~
到第時出黎搵到錢~可以試下唔同既STYLE~但最緊係你自己開心舒服你自己覺得令就得~
我係肥但我鍾意著裙~我自己唔會理人點睇~自己覺得令舒服開心就可以~

14MAY2

Brendala 發表於 2015-6-8 12:05
學識打扮無錯係要, 不過人越大, 唔知點解就越唔中意化妝,可能係怕落妝個過程太煩,
晚晚用缷妝膏要洗幾次先 ...

又唔駛咁燥嘅, 會唔會係你嗰支卸妝膏唔啱用呀??
我自己用開呢枝卸妝膏, 每次都係擠少少就落到個妝,
就算嗰日我個妝化得濃啲, 我都係用幾分鐘就得, 唔駛洗幾次臉先落到個妝~~

vpet

成日都比人話haha

L.wing

14MAY2 發表於 2015-6-9 15:25
又唔駛咁燥嘅, 會唔會係你嗰支卸妝膏唔啱用呀??
我自己用開呢枝卸妝膏, 每次都係擠少少就落到個妝,
就 ...

就算我唔係好識打扮, 我都有見過呢個牌子, 我啲friend都話佢地啲野ok

aggyaggy

其實學識少少化妝基本功當旁身都好嘅，因為第時見工見人去飲都用得著，始終化少少淡妝個人會精神啲，見工或者present俾人嘅印象都好啲

當然識護膚都好重要啦，無好嘅皮膚底又點會化到好嘅妝呢？
識一個女仔 皮膚底好乾 搽粉搽到皮膚脱哂皮 心諗唔化好過化